संखुवासभा मंसिर १७
सङ्खुवासभाको धर्मदेवी नगरपालिका–२ स्थित तामाफोकमा १९ औं चासुवा गोधुली कप कप फुटबल प्रतियोगिता मंसिर १८ गते देखि हुने भएको छ । मिरेमिरे यूवा क्लव तामाफोकको आयोजनामा धर्मदेवी –२ तामाफोक स्थित तुमोक खेल मैदानमा १९ औं चासुवा गोधुली कप कप फुटबल प्रतियोगिता सञ्चालन हुने भएको छ । किरातीहरुको पर्व धान्यपर्व उधौलीको अवसरमा मंसिर १८ गते देखि १९ औं चासुवा गोधुली कप कप फुटबल प्रतियोगिता तथा चासुवा गोधुली साँझ हुने भएको हो ।
तमाफोकलाई खेलकुदको माध्यमबाट राष्ट्रिय स्तरमा चिनाउन तथा कला र संस्कृतिको जर्गना गरौ, राष्ट्रका लागि खेलकुद, स्वास्थ्यका लागि खेलकुद भन्ने नाराका साथ १९ औं चासुवा गोधुली कप कप फुटबल प्रतियोगिता सञ्चालन हुने मिरेमिरे यूवा क्लवका प्रेम जिमीले बताए । आगामी मंसिर १८ गतेदेखि २२ गते सम्म सञ्चालन हुने फुटबल प्रतियोगितामा सङ्खुवासभा, धनकुटा, तेह्रथुमका जिल्लामा विभिन्न ८ क्लबको सहभागिता रहने मिरेमिरे यूवा क्लवका जिमीले बताए । विजयी टिमलाई नगद १ लाख ५० हजार रुपैयाँ, ट्रफि, मेडल, प्रमाण पत्र प्रदान गरिने छ । भने उपविजेतालाई नगद ७५ हजार रुपैयाँ कप मेडल प्रदान गरिने छ । प्रतियोगिताको समापन हुने मंसिर २२ गते चासुवा गोधुली साँझ हुने भएको छ । चासुवा गोधुली साँझमा परेश राई र प्रभा राईको प्रस्तुती रहने आयोजकले जनाएको छ ।
